Татко и син од Скопје уценувале момче со експлицитни снимки, уапсени се со обележани пари
Скопската полиција денеска уапсила двајца жители на градот, татко и син – Т.С.(18) и С.С.(46), поради основано сомнение за сторено кривично дело „уцена”.
„На 20.05.2023, Т.С. побарал од 21-годишен скопјанец пари, заканувајќи се дека доколку не му ги даде, ќе објави видеа од 21-годишниот скопјанец со експлицитна содржина. Оштетениот на 23.05. му дал пари на Т.С., но тој потоа продолжил со јавувања и барал уште пари, по што оштетениот го пријавил случајот во СВР Скопје“, велат од МВР.
„Откако на оштетениот му се дадени претходно крим-технички обработени пари, тој се договорил со Т.С. парите да му ги предаде пред трговски центар на бул. „К.Ј. Питу”. Т.С. дошол заедно со својот татко С.С. и откако ги зеле парите, веднаш се уапсени, по што во службен разговор го признале кривичното дело“, се додава во полициското соопштение.
По документирањето на случајот, против таткото и синот ќе биде поднесена кривична пријава.