Тарт со сливи
Сливите не мора да се јадат само свежи, пробајте ги во еден поинаков десерт. Добро е што додека им е сезона можете да ги замрзнете или да ги исушите, па во тек на зимата повторно да уживате во овој вкусен тарт.
Состојки:
– 75 г брашно
– 40+75 г путер
– 40 г бисквити
– 2 лажици мелени бадеми
– 100+ 40 г шеќер
– 600 г сливи
– 25 г излупени бадеми
– 1 кесичка ванилин шеќер
Подготовка:
Ставете го брашното во сад со прстофат сол и издробете 40 г путер. Издробете ги бисквитите крупно и додајте ги во смесата со путер. Додајте ги мелените бадеми и 40 г шеќер. Промешајте и истурете ја смесата во плех за тарт обложен со хартија за печење. Лесно притиснете со рацете да се спои тестото. Во сад стопете го останатиот путер, додајте го останатиот шеќер, ванилата и мешајте додека се формира пена. Додајте ги лупените сливи исчистени од семки и исечени на пола, со заоблената страна надолу. Гответе на средна температура додека се карамелизираат. Префрлете ги во тавата со тесто, па ставете го да се пече во рерна на 200 степени околу 25 минути. Пред послужување посипете со сечкани бадеми.