Водовод, канализациона мрежа, пат од село Бутел до Љуботен, полициска и противпожарна станица, социјални станови… Ова се само дек од инфраструктурните проекти кои во моментов се во финална фаза во општина Бутел, а врз кои денеска увид извршија министерот за транспорт и врски Горан Сугарески и техничкиот премиер Оливер Спасовски.

– Изградбата на канализациската мрежа тече со засилено темпо, па можно е проектот да заврши порано. Се работеше во две фази, водоводна мрежа долга седум килмотери која наскоро ќе биде пуштена во употрба, а во тек се 5,2 километра канализациска мрежа, истакна Спасовски.

Техничкиот премиер додаде и дека поради лоша инфраструктура земјоделците имаа тешкотии во производството и пласманот. Со изградбата на патот од Бутел до Љуботен ќе се опслужат 5.000 жители. Се гради и на други патни правци во општината, во завршна фаза се многу проекти.

Министерот Сугарески дополни дека градежните работи на канализациската мрежа во Визбегово ќе завршат многу пред предвидениот рок.

Рече и дека околу 690.000 евра се планирани за локални патишта и улици во Бутел, како и дека за неполна година целосно ќе се смени сликата на Општината.