Мигрената погодува околу 15% од вкупната светска популација, а најмногу жените. Понекогаш не помагаат дури ни најсилните аналгетици.

Иако за оваа состојба не постои лек, а не е откриена ниту главната причина што ја предизвикува, одредени промени во животниот стил може да донесат олеснување.

Симптомите се најчесто мачнини, чувствителност на светлина, звук и мириси, анксиозност, потреба за студен воздух, губење на способноста за говор на неколку секунди и трнење на екстремитетите.

Многубројните истражувања покажале дека витамините Б6 и Б12 може да помогнат во полесно контролирање на болката. Со редовно земање, може да се намали и бројот на мигрени.

Исто така, овие витамини може да се внесат и преку храната и тоа со помош на овошјето, јајцата, брокула и спанаќ, пилешко месо, компири, како и кикирики, млеко, риба и ориз.