Стартните 11 во Ереван, Македонија во нападот со Трајковски и Ристовски

Најдобрите македонски фудбалери во Ереван бркаат триумф против Ерменија/Фото: ФФМ

Од 18.00 часот во Ереван македонската А репрезентација ќе го игра натпреварот од мундијалските квалификации против Ерменија.

Многу важен меч и за двете селекции во борбата за второто место во квалификациската група „Ј“ кое води во баражот за Светското првенство.

Нашиот селектор Благоја Милевски се одлучи за следните 11 играчи кои ќе стартуваат од првата минута:

– На голманската позиција е Димитриевски, во одбраната Алиоски, Муслиу, Д. Велковски и Костадинов. Во средниот ред Ашковски, Елмас, Барди и Чурлинов, а во нападот Трајковски и М. Ристовски.

Од клупата шанса за настап ќе чекаат Јанков, Шишковски, Тодороски, Ристевски, Серафимов, Етеми, Зајков, Атанасов, Тотре, До. Бабунски, Спировски и Миовски.

Стартните 11 на Ерменија: Јурченко, Хамбарџумјан, Тертерјан, Калисир, Хофханисјан, Удо, Мхитарјан, Барсегјан, Зеларајан, Варданјан, Бриаско.

Видео на денот