Зачестените физички пресметки меѓу мигрантските групи во Војводина покажуваат дека државата не ја држи ситуацијата под контрола, а неодамнешниот судир во Сомбор во кој најмалку две лица се тешко повредени, покажува дека спиралата на насилството продолжува, ја пренесува српскиот „Данас“ оценката на тамошното „Движење за пресврт“.

Од движењето истакнале и дека тоа што се поголем број мигранти се надвор од прифатните центри, во кои имаат обезбедни основни услови за живот, покажува дека државата не се занимава доволно со таа тема.
Оттаму додале и дека границите кон Македонија и кон Бугарија се неадекватно обезбедени и дека значителен број мигранти предолго за задржува во Војводина.

– На тој простор цутат трговијата со луѓе и други нелегални активности во кои се вклучени и вооружени луѓе, а јавна тајна е дека постојат и нелегални прифатни центри од кои организирани криминални групи се обидуваат да ги префрлат мигрантите преку унгарската и хрватската храница – наведуваат од „Движење за пресврт“.

Од движењето го поставиле и прашањето за трошењето на европските пари за згрижување на мигрантите.