Совршен летен ручек: Британска пита со тиквички
Можеби ви изгледа како предизвик, но верувајте дека оваа вкусна пита со тиквички ќе го израдува целото ваше семејство. Британската пита со тиквички е вистинска експлозија на вкусови!
Состојки:
За тестото:
- 500 гр брашно
- 30 мл масло
- половина ќесичка прашок за печиво
- лажичка сол
- 200 мл вода
За филот:
- 4 тиквички
- 1 парче бело месо
- 300 гр младо сирење
- 200 гр павлака
- 100 гр неутрална павлака
- 50 мл млеко
- 4 јајца
- 4 лажици гриз
- 70 гр пармезан
- 100 гр сирење
- 2 лажички масло
- лажичка сол
- прстофат бибер
Подготовка:
Измесете мазно тесто од брашното, маслото, прашокот за печиво, солта и водата. Формирајте валјак и одделете една третина од тестото. Обликувајте го во топка и оставете го во фрижидер половина час. Исечете ги тиквичките на многу тенки кругови, посолете ги и ставете ги во цедалка да истече водата што ја пуштаат. Измешајте ги сирењето, кашкавалот, киселата и неутралната павлака и млекото. Мешајте додавајќи едно по едно јајце, гриз и пармезан. Додајте сол по вкус и бибер и на крај додајте ги тиквичките и белото месо што сте ги исцепкале во конци. Тестото развлечете го во круг и со сукало пренесете го во подмачкан калап. Истурете ја подготвената маса во калапот и печете околу еден час на 170 степени.