Сопругата на претседателот Стево Пендаровски, Елизабета Ѓорѓиевска ќе биде во избирачки одбор за гласање на лицата заразени од коронавирусот и граѓани кои се во самоизолација, пишува Сакамдакажам.мк. Ѓорѓиевска е избрана по случаен избор како медицинско лице, кое треба да биде дел од избирачките одбори.

На изборите поради пандемијата на Ковид-19, болните ќе гласаат два дена. Во понеделник ќе се спроведе гласање за лица позитивни на коронавирус и оние кои се во изолација, додека во вторник ќе гласаат болни и изнемоштени лица.

Од Кабинетот на претседателот Стево Пендаровски за Сакамдакажам.мк потврдиле дека Ѓорѓиевска ќе биде член на избирачкиот одбор во Општина Гази Газа, кој ќе оди во домовите на позитивни лица на коронавирус кои се пријавиле да гласаат на изборите во оваа скопска општина.