Словенија во „црна“ фаза на семафорот за мерки за релаксација, почнува масовно тестирање
Словенија нарача 1,5 милиони брзи антигени тестови за коронавирус, кои треба да започнат да се користат оваа година, информираше министерот за здравство, Томаж Гантар по седницата на владата.
Тестирањето во старечките домови и здравствените установи започнало порано, а сега е наменето за тестирање на граѓаните кои сакаат и за кои услугата ќе биде бесплатна, но првенствено работниците во важните професии: наставниците во училиштата, полицијата и војската, а можеби и вработените во компаниите каде се појавуваат заразени или поголем број пациенти, објави Гантар.
Ќе се изврши масовно тестирање со антигени тестови затоа што Словенија нема доволен број ПЦР тестови, со цел подобро да се контролира ширењето на вирусот кај популацијата и да се идентификуваат асимптоматските случаи, со што се обидуваат да го намалат вториот епидемиски бран, објасни Гантар.
Тој потврди дека на денешната седница, Владата е воспоставен и план за постепено отворање на одредени активности и ублажување на веќе важечките анти-епидемиски мерки, што е строго поврзано со падот на бројот на дневни инфекции и состојбата на пополнетост на ковид болниците.
Гантар потврди дека епидемиолошката состојба е сè уште тешка, иако бројот на хоспитализирани стагнира и не расте во последните седум дена и дека очекувал повеќе од заострувањето на мерките преземени на крајот на октомври за намалување на бројот на заразени и хоспитализирани.
Според критериумите за олеснување на строгите мерки од планот денеска објавен на Твитер од премиерот Јанез Јанша, Словенија во моментов е во „црна“ фаза на семафорот за мерки за релаксација, бидејќи во просек има 1461 заразени дневно во последната недела, додека во болниците има 1289 пациенти, што сè уште не дозволува намалување на ограничувањата.
Na predlog @MinZdravje in svetovalne strokovne skupine je @vladaRS določila kriterije za odpravo omejitvenih ukrepov za različne faze umirjanja epidemije #COVID19. Zdravstvo deluje na skrajni meji zmogljivosti in le skupaj in z odgovornim ravnanjem lahko zmanjšamo obremenitve. pic.twitter.com/6kyflG7Amb
— Janez Janša (@JJansaSDS) December 3, 2020
За да се случи тоа и земјата да влезе во т.н. „црвена“ фаза, би било потребно бројот на пациенти со ковид-19 во болниците да падне на помалку од 1200, а неделниот просек на заразените дневно на помалку од 1350.
Потоа, според планот на владата, јавниот превоз, културните институции како галерии, музеи и библиотеки ќе бидат делумно отворени, а фризерските салони и некои други услужни активности, како што се маникир и педикир, повторно може да се отворат.