СКАНДАЛОЗНО однесување во ПРАВОСЛАВНА ЦРКВА: Свештеникот суспендиран по вознемирувачката КРШТЕВКА (ВИДЕО)
Свештеникот Василиј Нечепоренко (55) познат под името Фотиос е суспендиран на една година по вознемирувачката церемонија која е завршена со поднесување на полициски извештај.
Инцидентот се случил во текот на викендот во мала црква во близина на Санкт Петербург. Детето во текот на чинот гласно плачело и се опирало. Свештеникот повеќепати се обидел насилно да го потопи детето во водата, по што вознемирената мајка притрчала.
Мајката се обидела да му го земе бебето, но свештеникот не ѝ дозволил, продолжувајќи со ритуалот.
Сакајќи да си го земе детето, мајката на свеќите си ја запалила марамата.
„Му ги повреди вратот и рамената на бебето. Оттогаш моето дете е исплашено и постојано има напади на паника и хистерија“, рекла запрепастената мајка.
Анастасија Алексеева, мајката на бебето, за руските медиуми рекла дека атмосферата била напната уште од самиот почеток. Како што додала, свештеникот ги удрил неа и кумата кога сфатил дека не ја знаат молитвата.
Новинската агенција „Фонтаника“, известила дека церемонијата на крштевањето, која чинела околу 50 евра, личела на садистичка вежба, а бебето добило гребаници и модринки.
Пред да го суспендираат, свештеникот се бранел и ја обвинил „силната емоција“ на мајката.
„Па, што се случи? Ништо, воопшто не сум крив. Мајката претерано емотивно изреагира. Таа е лице без црковно искуство, не беше подготвена за крштевање на бебето“, рекол суспендираниот свештеник.