Италијанската влада одучи дека наставниците мораат да имаат доказ дека се имуни на Ковид-19 пред да се вратат во училиштата. Тие направија таканаречена „зелена потврда“ која ќе важи и за патниците во возовите, авионите, бродовите и меѓународните автобуси.  

Зелената потврда е дигитален или хартиен сертификат кој покажува дали некоја личност има барем една доза вакцина, дали има негативен тест или дали прележал корона, пренесува Ројтерс. 

Со намера да се забрза вакцинацијата, за да можат да го победат делта сојот, италијанската влада веќе донесе правила и од утре потврдите ќе бидат задолжителни за сите кои ќе сакаат да влегуваат во рестораните, како и за услугите при спортските активности, како сали и теретани. 

Наставниците без тој сертификат нема да можат да предаваат и нема да бидат платени.