Симпсонови претставија нов лик – Преживеана од ракот на дојка
Симпсонови се познати по тоа како ги создаваат своите епизоди – актуелни теми, кои се неопходни да се споменат, и ги засегаат луѓето (помалку или повеќе) на целата планета. Последната епизода е со посебна посвета – за преживеаните и борците со ракот на дојка!
Во овој октомври, месецот посветен на борбата со ракот на дојката, Симпсонови претставија нов посебен лик: Др. Венди Сејџ, хипнотерапевт, која воедно и преживеала рак на дојка и има само една града по еднострана мастектомија, покажувајќи видлива лузна нанесена од „порт-о-кат“, апарат кој се користи за хемотерапија.
View this post on Instagram
Гласот на докторката го позајми Рени Риџелеј, која е актерка, писател и самата преживеана од рак на дојката, но и жена на продуцентот на серијата Мет Селман.
„Сејџ покажува токму која е сега. Живеејќи отворено како едно-града жена, таа пренесува порака на прифаќање и целост која се слави од индивидуи во маргинализирани групи“, објави Риџлеј индиректно раскажувајќи дел од својата приказна.
View this post on Instagram
Во остатокот од епизодата се зборува и за друг начин на себеприфаќање и позитивност за сопственото тело, со Лиза која развива комплекс откако Марџ и вели дека изгледа „буцко“. Ова е интригантен омаж на тематиката која неодамна се отвори и започна јавно да се дискутира откако бројни актери како Меган Фокс, Кумаил Нанџани, Били Ајлиш, Џона Хил, Ејми Швимер… листата е долга.
View this post on Instagram
Ликот на Сејџ всушност се појавува како клучен кога Марџ и Лиза треба да се справат со неколку проблеми со позитивност на телото, и ја има улогата на гласот на надежта и инспирацијата.
„Здраво, моето име е Др. Венди Сејџ… моите сестри по рак на дојка едноставно ме викаат Сејџ.
Јас сум хипнотерапевт и им помагам на луѓето да ги трансформираат негативните идеи за себеси во ценење и себе-почит.
Сакам кристали, свеќи, внатрешни растенија и мојата една преостаната града. Живеејќи гласно како еднограда жена е можност да се прослави преживување и почитување на моето тело за сè што издржало за време на третманот.
Кога се соочив со мастектомија, ја одбив идејата дека луѓето ќе ме гледаат како еднограда личност која е срамна, грда, „недовршена“ со третман, или помалку женствена. Јас не сум ништо од тоа. Всушност, се чувствувам горда, жешко згодна, и цела.
Една града е мала цена да се плати за повеќе време на оваа неверојатна планета.“
View this post on Instagram
