Швеѓанецот со македонско потекло Кулушевски би можел да му биде соиграч на Пандев
Денеска италијанските медиуми информираат дека четири клуба ја следат ситуацијата Дејан Кулушевски, Швеѓанецот со македонско потекло.
Се зголемува интересот за 21-годишното десно крило, Џенова во чии редови настапува нашиот напаѓач Горан Пандев го посакува на позајмица, а во трката за обезбедување на потписот се и Севиља, Арсенал и Тотенхем.
Екс членот на Аталанта и Парма, кој може да игра во средниот ред и во нападот, нема редовна минутажа во Јувентус кај тренерот Макс Алегри.
Можно е овој месец да има нов клуб и тоа ќе го дозволи „Старата дама“ доколку пристигне права понуда.
Тотенхем и Арсенал се подготвени да платат 35 милиони евра, па така премиерлигашите се фаворити за услугите на Кулушевски.