Што му подари Пендаровски на Вучиќ и каква порака му испрати со тоа? – Слободен печат
ВестиВи ПрепорачувамеМакедонија

Што му подари Пендаровски на Вучиќ и каква порака му испрати со тоа?

Претседателот Пендаровски на српскиот претседател Вучиќ денеска на посетата ќе му подари галичка пафта.

Претседателот Стево Пендаровски при денешната официјална посета на Србија, на српскиот претседател Александар Вучиќ му подари галичка пафта.

Овој подарок отвора дилема дали претседателот Пендаровски му упати некаква порака на претседателот Вучиќ со подарокот? Се работи за неодамнешното тврдење на српската радио телевизија РТС која преку емисијата „Квадратура круга“ емитуваше документарна емисија со која тврди дека Мијаците се старо српско племе„Мијаците се старо српско племе кое уште во средниот век се доселиле од Албанија за да се заштитат од Турците”, се велеше во најавата за емисијата. Ова тврдење ја подигна домашната јавност, пред се граѓаните со мијачко потекло кои не се согласуваат со ова одбележување, тврдејќи дека се Македонци. Месната заедница Галичник остро ги осуди овие „тези кои тенденциозно го навредуваат македонскиот народ“ и побараа јавно извинување од РТС.

Пафтата која денеска ја подари Пендаровски на Вучиќ била избор на македонскиот претседател кој по потекло е од Галичник, а пафтата е симбол кој се наоѓа на невестинскиот појас на галичката народна носија.

Претседателот Пендаровски денеска и утре е во официјална посета на Република Србија, а покрај средбата со српскиот претседател Александар Вучиќ, ќе се сретне и со српската премиерка Ана Брнабиќ.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close