На овој трансфер инсистира менаџерот на голманот, Мино Рајола и тоа веќе неколку години. Според медиумите на Апенините, идното лето е идеално за конечно да се реализира овој трансфер бидејќи 20-годишниот голман на Милан тогаш ќе влезе во последната година од актуелниот договор.

„Росоњерите“ не се во можност да ги задоволат финансиските барања на Џанлуиџи Донарума за потпишување на нов договор, исто така не можат да му ветат дека ќе се борат за титулите поради неизвесната финансиска состојба која владее во клубот.

Во Јувентус со нетрпение го очекуваат летниот преоден рок кога ќе се обидат да дојдат до услугите на фантастичниот голман. Челниците на „старата дама“ планираат покрај одредена сума на пари на „Сан Сиро“ да испратат еден од двајцата дефанзивци, Мерих Демирел или Даниеле Ругани кои се интересни за Милан.

Милан летово се обиде да се договори со Јувентус за едногодишна позајмица на Демирел, додека Јувентус со евентуалниот ангажман на Донарума би го решил прашањето за голманската позиција за наредните десетина година и поради тоа италијанските медиуми сметаат дека шансите да се случи овој трансфер се големи.