Трет смртен  во едно семејство како последица од коронавирусот е забележан во Бања Лука, потврдија денеска властите во овој град кој е најтешко погоден во епидемијата во БиХ.

-Маж на возраст од 51 година синоќа починал од коронавирус во Бања Лука, а изминатите две недели како последица на истиот вирус починаа и неговата мајка и татко, соопшти градоначаникот Игор Радојчиќ.

Овој тажен пример најдобро покажува колку е опасен Ковид -19, рече Радојчиќ и ги повика граѓаните да бидат внимателни и да ги избегнуваат собирањата за да се смали можноста од ширење на заразата и нови смртни случаи.

-Секогаш кога ќе помислите да одите на некое собирање, не заборавајте на сите мерки и препораки и сетете се дека некој може да заболи па и да почине, предупреди тој.

На подрачјето на Бања Лука од коронавирус се заразени над 250 лица, а 1.646 се во домашна изолација. Тој број е значително помал од претходните денови кога во изолација беа 3.000 лица.