Алијансата за Албанците најави дека ќе ја прекине соработката што досега ја имаа со ВМРО-ДПМЕ, откако градоначалничката на Скопје, Данела Арсовска, доцна синоќа го разреши од директорската позиција во Комунална хигиена Зуди Енузи, чијшто брат, Цуфи, кој исто така е член на АА, учествуваше во вчерашниот вооружен инцидент на плоштадот „Скендербег“.

„Контаминацијата и метастазирањето на Левица во ВМРО-ДПМНЕ, враќањето на заедничките сценарија на ДУИ и ВМРО како во времето на груевизмот, сега со подршка и на СДСМ, се лесни за читање и неприфатливи за Алијансата за Албанците. Не дозволуваме да бидеме ниту дел, ниту жртва на вакви сценарија. Слично како и другите пати, Албанците и овој пат платија. А поените ги земаат ДУИ и ВМРО-ДПМНЕ. Враќање на претходните сценарија на ДУИ и ВМРО повеќе нема да дозволува Алијансата за Албанците. Како резултат на последните случувања, ја прекинуваме соработката со ВМРО, не дозволувајќи повеќе да се навредуваат Албанците“, велат од партијата.