Низ населените места во Општина Бутел деновиве се поставуваат „легнати полицајци“ за поголема безбедност на сите учесници во сообраќајот.

– На барање на жителите кои сами ни ги посочија локациите се поставуваат препреки за намалување на брзината на возилата или таканаречени „легнати полицајци“ на повеќе фреквентни локации и улици низ сите населени места. „Легнати полицајци“ се поставуваат во Љубанци, Љуботен, Радишани, Расадник, Љуботенски Пат, Св Климент, Живко Брајковски, Скопје Север, Бутел 2, Визбегово, Кучевачка Бара. Поставувањето на нови „легнати полицајци“ е со цел да се овозможи поголема безбедност не само за пешаците туку и за возачите. Со ова ја зголемуваме безбедноста на сите учесници во сообраќајот – информираат од Општина Бутел.

Општина Бутел за овој проект од својот Буџет издвои околу три милиони денари.