Се ожени актерот Андрија Милошевиќ: Тајна интимна венчавка со колешката
Иако многу медиуми во регионот ги нарекуваа сопружници, тие никогаш не се изјаснија за ова прашање, ниту потврдија дека влегле во брачните води.
Црногорскиот актер и телевизиски водител Андрија Милошевиќ (44) и неговата сопруга Александра Томиќ (40) во емисијата „Уз кафу са“ со актерката Сека Саблиќ, открија дека официјално се венчале.
„Се венчавме во црква на 1 февруари 2022 година, 25 дена пред да се роди Реља. Сѐ беше многу интимно, со нас беа само кумовите и неколку пријатели“, открила неговата сопруга Александра во емисијата, пренесуваат српските медиуми. Милошевиќ на шега, во негов стил додал дека тоа го направиле за детето да не остане без татко.
Парот пред бракот беше во врска 10 години. Андрија на регионалната публика и е познат по улогата во хумористичната серија „Андрија и Анѓелка“.