Западот предупредува дека Русија во последно време собира сили во близина на источната граница на Украина и на Крим. Русија реагира со преместување на своите сили како што и одговара, вклучително и за одбранбени цели.
Рускиот заменик министер за надворешни работи Сергеј Рјабков ги предупреди американските воени бродови во Црното Море да се држат на дистанца, истакнувајќи дека ризикот од инциденти е многу висок, пренесоа руските новински агенции.
„Американските бродови нема апсолутно ништо да бараат кај нашите брегови, тоа е чиста провокација. Провокација во буквална смисла на зборот: тие ја тестираат нашата сила. Нема да им успее. Ги предупредуваме САД дека ќе биде подобро за нив да бидат далеку од Крим и од брегот на Црното Море”, рече Рјабков.
Пентагон одби да коментира за испраќањето бродови, велејќи само дека американската војска рутински испраќа бродови во тој регион.
Руската Црноморска флота е со седиште во Крим, каде има моќни проектили и радари.
Видео на денот