Роби Вилијамс откри дека Камерон Дијаз е заслужна што се оженил: Не би рекла дека за вас дефинитивно е крај
Пејачот Роби Вилијамс конечно прозборе за својот приватен живот и откри како Камерон Дијаз е заслужна за спас на неговата врска.
Во поткастот „Да се остане дома со Вилијамс“, пејачот откри дека тој и неговата сопруга Ајда Филд имаат голема причина да ѝ бидат благодарни на глумицата Камерон Дијаз, која придонела за нивното смирување, после три раскинувања.
46-годишниот пејач откри дека пред да се ожени со Ајда, го посетил Лос Анџелес и тоа баш за време на нивното трето раскинување.
– Тоа беше во моментот кога раскинавме. Зборував со многу луѓе, меѓу другите и со Дру Баримор и Камерон Дијаз. Тогаш одеднаш сфатив дека зборувам дека Ајда е фантастична, преубава, паметна и забавна. Камерон ми рече: „Не би рекла дека за вас дефинитивно е крај“. И тоа беше моментот кога вселената ми рече: „Трчај дома, ожени се со неа“ – објасни Вилијамс.
Роби и Ајда се венчаа во 2010 година и имаат четири деца – Теодора, Чарлтон, Колет и Беа.
Вчера Роби и Ајда прославија 10 години од нивната врска.
Камерон Дијаз откри зошто се откажа од глумата: Сега има поинтересна занимација (ФОТО)