Рецепт за потпечени полнети солени палачинки: Одлична идеја за брз ручек или вечера
Ако сте љубител на палачинки, тогаш и солените ви се еднакво неодоливи како и слатките.
Полнетите солени палачинки се одлична идеја за брз ручек или вечера, во денови кога немате многу време за готвење. Фини солени палачинки, лесни за подготовка, а долго ќе ве држат сити. Може да се сервираат како топло предјадење, но и како главно јадење.
Состојки:
За тестото:
– 300 мл млеко
– 2 јајца
– 100 грама брашно
– малку масло
– сол
За филот:
– 100 грама сирење
– 100 грама шунка
– 1 лажица павлака
За преливот:
– 1 јајце
– 1 лажичка павлака
– малку млеко
– рендан кашкавал
Подготовка:
Состојките за тесто измешајте ги, така што прво ќе ги изматите јајцата, па ќе ги измешате со другите состојки. Испржете ги палачинките.
Измешајте ги состојките за филот и филувајте ги палачинките.
Филуваните палачинки наредете ги во подмачкан плех за печење. Потоа, прелијте ги со смесата за прелив. Печете околу 30 минути на температура од 200 степени Целзиусови.
