Нема ништо повкусно од домашна лутеница. Лутеницата е зачинет специјалитет од зеленчук, по текстура и вкус слична на ајварот, но со лут вкус. Лутеницата е популарен деликатес, а кој спаѓа во зимница, и во македонската и во српската кујна.

Најголемата разлика помеѓу лутеница и ајвар е што лутеницата може да се подготви од термички необработена пиперка. Состојките вклучуваат пиперки, лук, масло, шеќер, сол и домати.

Состојки:

– 1,5 кг пиперка
– 1 кг зрели домати
– половина кг лути пиперки
– 100 мл вински оцет
– 200 мл масло
– 125 г шеќер
– половина ќесичка мелен бибер
– сол по вкус
– 4-5 чешниња лук
– 1 ќесичка конзерванс

Подготовка:

Прво прелијте ги доматите со врела вода за полесно да се излупат. Исечете го на четвртинки и ставете ги во тенџере заедно со винскиот оцет, шеќерот и биберот. Измешајте сè, ставете на рингла и пржете. Кога ќе почне да врие нека се вари 1 час.

Свежите лути пиперчиња и пиперката сомелете ги во машина за месо, додадете сè во тенџерето и оставете да се вари уште 1,5 час, повремено мешајќи. Пред крајот на готвењето посолете по вкус и на крајот додадете ги ситно сечканиот лук и ќесичката конзерванс. Сè убаво измешајте, сипете во претходно стерилизирани тегли, почекајте да се излади и чувајте на темно суво место во оставата.