РАЗБИЕНА КРИМИНАЛНА ГРУПА ВО СРБИЈА: Уапсен шефот на дилерите, запленета дрога во вредност од пет милиони евра!
Младен Новаковиќ (37), наречен Тоцило, од Србија, бил уапсен утринава во полициска акција во која биле запленети 77 килограми хероин, пренесува Курир.рс.
Здружението на граѓаните „Свети Сава“ од порано го каракетиризирало Новаковиќ како шеф на дилерите на дрога.
Министерот за внатрешни работи на Србија, Небојша Стефановиќ, рекол дека оваа акција на полицијата е продолжување на одличните резултати и бескомпромисната борба против трговијата со наркотици.
– Вредноста на запленетите наркотици се проценува на повеќе од 5.000.000 евра, а полицијата во текот на акцијата одземала и повеќе скапоцени автомобили – изјавил потпретседателот на владата на Србија и министер за внатрешни работи Небојша Стефановиќ, а пренесува Курир.
Имено, според официјални информации од полицијата во Србија, со 77 килограми кокаин и половина килограм кокаин, биле уапсени шефовите на криминални групи со иницијали М.Н., С.Н. и В.Ц, поради постоење на основа за сомнение дека извршиле кривично дело – неовластено производство и пуштање во промет на опојни дроги.
При претресот во домовите на осомничените, како и во повеќе локации кои ги користеле на територијата на Белград, била пронајдена дрога чија вредност се проценува на 5.000.000 евра, јавуваат српските медиуми.
Како што се сомнева, оваа организирана криминална група во претходниот период набавувала дрога од Турција, а потоа ја дистрибуирала ширум Србија.
Полицијата во оваа акција запленила и повеќе скапоцени автомобили и мотоцикли.
На осомничените им било одредено задржување во притвор од 48 часа, и тие сега, со кривична пријава, ќе бидат приведени од страна на Обвинителството оза организиран криминал во Србија.