Психијатар открива грешка што многу луѓе ја прават кога ќе се разбудат
Знаеме дека квалитетот на сонот може да го наруши тешката храна, алкохолот, користењето мобилни телефони и гледањето телевизија во спалната соба. Но, психијатарот Честер Ву тврди дека постои една грешка којашто многу луѓе ја прават кога ќе се разбудат, британски „Дејли стар“.
– Лежењето е голема препрека на добриот сон – вели д-р Ву.
Тој истакнува дека никогаш не лежи во кревет, освен ако не се работи за активности поврзани со спиење и интимност. Со неговото мислење се согласува и неврологот Челзи Роршаибe.
Таа вели дека штом се разбуди, станува од креветот.
– На тој начин мојот мозок сфаќа дека спалната соба е само место за одмор, што промовира квалитетен сон – објаснува Роршаибе.
Експертот за спиење Карлера Вајс ги објаснила лошите страни на лежењето во кревет по будењето.
– Редовното време на будење му помага на биолошкиот часовник да ги регулира физиолошките функции, а не само сонот. Спиењето во текот на викендот води до социјален „џет лег“ и предизвикува тешкотии во концентрацијата, замор, раздразливост и главоболки – тврди тој.
Д-р Раџ Дасгупта вели дека малку е веројатно дека опуштањето ќе има долгорочен ефект врз севкупниот квалитет на сонот, но истакнува дека е важно да се има редовен распоред за спиење.
– Одржувањето доследен распоред за спиење, каде што се будите и одите во кревет во исто време секој ден, е навистина важно за да обезбедите квалитетен сон – посочува тој.