Клубовите од Премиер лигата покажаа интерес за поранешниот играч од средниот ред на Интер и Тотенхем, Кристијан Ериксен, кој веќе ги продолжи тренинзите и има намера да ја продолжи кариерата.

Договорот на 29-годишниот Данец со „нероѕурите беше раскинат минатиот месец, откако на Ериксен му беше вграден кардиовертер дефибрилатор по колабирањето на теренот за време на првиот натпревар на Данска на ЕП 2020. Според италијанските правила, тој не смее да игра во такви услови. Во декември играчот имаше низа медицински тестови, кои покажаа дека не е во опасност и повторно може да игра фудбал на највисоко ниво.

– Сè оди добро за Кристијан. Тој ги направи сите тестови пред Божиќ и резултатите беа толку добри што се надеваме дека ќе започнеме групни тренинзи подоцна во јануари. Но, би сакал Кристијан самиот да одлучи за тоа, а тоа ќе го направи многу наскоро. Тој е многу амбициозен. Италија е една од земјите каде што има слични правила, но во другите земји ситуацијата е многу поинаква – вели Мартин Шуетс, агентот на Ериксен за „Дејли Мејл“.

Освен Премиер лигата, за играчот од средниот ред се интересираат и клубови од неговата татковина и Холандија.

„Дејли мејл“ информира дека поранешниот тренер на Интер, Антонио Конте моментно е менаџер на уште еден поранешен клуб на Ериксен – Тотенхем. Сепак, нејасно е дали лондончани се еден од премиерлигашките клубови во прашање кои упатиле понуда до Данецот.