Преговори со ЕУ: Голем ден за Македонија

Денес, дефинитивно, нам ни се отворија вратите на оваа сјајна наднационална организација, која ги обединува европските народи, за така обединети да се соочат со предизвиците на своето живеење.

Велат дека кога на човек му е загрозено здравјето, преку ноќ му се менува скалата на вредности. Соочен со болеста, она што до вчера било важно станува помалку важно или неважно. Така е и со човечките колективитети наречени држави. Веста за одлуката за почеток на преговори со Европската Унија нè затекна среде епидемија кон која е сосредоточено сето наше внимание.

Но, ова е голем ден, не само за нашата држава, туку и за Европа. Европа, имено, продолжува со својот мировен план на Балканот, давајќи ѝ нова енергија на европската идеја.

Денес, дефинитивно, нам ни се отворија вратите на оваа сјајна наднационална организација, која ги обединува европските народи, за така обединети да се соочат со предизвиците на своето живеење. Појавата на епидемијата на коронавирусот покажа колку е важен заедничкиот напор на државите, соочени со предизвиците на новиот милениум: болестите, порастот на населението, екологијата.

Прочитајте и...  Северен Гоце Делчев

Покажа дека ниту една држава, независно од тоа колку е моќна, не е во состојба да им се спротивстави на овие предизвици. Неподготвени за подобро решение, првата реакција на државите беше да се затворат во своите граници, но поуката за во иднина треба да ја бараме во спротивната насока.

Битката за нашата иднина е на една поинаква граница која ја запоставивме: границата помеѓу човештвото и опасностите кои го демнат. Мораме упорно да работиме на изградба на свет на мир, соработка, солидарност, потака од националните граници.

Членството во Европската Унија е нашиот прв чекор кон тој свет на иднината. Патот до полноправно членство треба храбро и одговорно да го изодиме. И во овие моменти на грижа за нашето здравје да црпиме сила од нашата заедничка европска идеја од која не се откажуваме.

Прочитајте и...  Откровенија на „Објаснувачкиот меморандум“

Прочитај повеќе

Шестемина и шесте степени оддалеченост

Жанета Скерлев

Откровенија на „Објаснувачкиот меморандум“

Мирослав Грчев

Оставете ги фирмите сами да си ги избираат вработените

Соња Кириџиевска

Северен Гоце Делчев

Срѓан Ивановиќ

Идни жртви во борбата за подобро минато

Го сакаме ли Преспанското Езеро?

Божидар Миљовски

Остави Коментар

Прочитај повеќе

Прочистување

Мендо Димовски

Тешко е да се следи политиката на Еди Рама

Срѓан Ивановиќ

Скалпел за судиската гангрена

Бошко Нацевски

Вучиќ – од марионетата на Мило до неговиот господар

Жељко Ивановиќ

Законите за банки да бидат немилосрдно построги

Соња Кириџиевска

Онлајн настава со интернетот од стикчето купено од родителите

Срѓан Ивановиќ