Познати групите за „Копа Америка“, Аргентина и Бразил можат да се сретнат само во финалето
Во 2024 година имаме Европско првенство во Германија (14 јуни – 14 јули), а љубителите на фудбалот истовремено ќе уживаат во уште едно големо натпреварување, популарната „Копа Америка“, која ќе ја организираат САД во периодот од 20 јуни до 14 јули.
Покрај десетте селекции од Јужна Америка, овојпат ќе учествуваат и шест репрезентации од Северна и централна Америка. Едни од главните фаворити за пехарот, Аргентина и Бразил може да се сретнат само во финалето.
Двете првопласирани репрезентации од секоја група ќе обезбеди пласман во четвртфиналето, така што ќе се игра по класичен нокаут систем. Натпреварите ќе се играат во 13 градови: Арлингтон, Атланта, Остин, Шарлот, Њујорк, Хјустон, Инглвуд, Санта Клара, Глендејл, Лас Вегас, Канзас Сити, Мајами и Орландо.
🚨🏆 Official Copa América 2024 groups.
Argentina and Brazil can only face each other in the final, as part of potential combinations. pic.twitter.com/eZGUC7w0sS
— Fabrizio Romano (@FabrizioRomano) December 8, 2023
Официјално треба да се дознаат уште две репрезентации кои ќе бидат дел од групите на „Копа Америка“, односно победниците од дуелите Канада – Тринидад и Тобаго и Хондурас – Костарика.
Најмногу титули во ова натпреварување, по 15 имаат Аргентина и Уругвај, следува Бразил со девет, по две Парагвај, Чиле и Перу, а по една Боливија и Колумбија.
„Копа Америка 2024“
Група „А“: Аргентина, Перу, Чиле, Канада/Тринидад и Тобаго
Група „Б“: Мексико, Еквадор, Венецуела, Јамајка
Група „Ц“: САД, Уругвај, Панама, Боливија
Група „Д“: Бразил, Колумбија, Парагавј, Хондурас/Костарика