Последно збогум: Сандра Булок ја расфрли пепелта на нејзиниот покоен партнер Брајан Рендал
Познатата актерка Сандра Булок ја испочитува последната желба на својот покоен партнер Брајан Рендал пет месеци по неговата смрт, пишува „Пејџ сикс“.
Имено, Брајан по неговата смрт сакал пепелта да му се расфрли во река во Вајоминг. На денот кога би бил неговиот 58-ми роденден, актерката одлучи да ја рафрли пепелта од неговите останки во реката Змија.
„Среќен роденден, Брај. Сенди те донесе до реката, исто како што вети“, напишала сестрата на Сандра, Гесина Булок-Прадо покрај кратко видео.
„Каков прекрасен начин да му оддаде почит на човекот што го сакаше. Да ја почитува неговата последна желба! Таа е во моето срце и молитви. Колку и да е тешко и тажно да се изгуби некој толку посебен, се надевам дека ќе најде мир и ќе го прослави својот живот“; , „Tи благодарam што го споделие ова. Голема утеха за сите нас кои сме доживеале ваква загуба“, се дел од коментарите кои се појавија под објавата.
Да потсетиме, Рендал почина во август 2023 година по тригодишна битка со амиотрофична латерална склероза (АЛС), прогресивна невродегенеративна болест која влијае на нервните клетки во мозокот и ‘рбетниот мозок кои ги контролираат доброволните мускулни движења. Лек за оваа болест сè уште не е пронајден и не постои ефикасен третман за да се запре нејзината прогресија.
Сандра и Брајан се запознаа во 2015 година, кога актерката го ангажираше него, како успешен фотограф, да ја фотографира забавата за петтиот роденден на нејзиниот син Луис. Кратко потоа, тие ја започнаа нивната љубовна врска. Актерката посвои две деца, синот Луис (13) во 2010 година, а ќерката Лајла (8) во 2015 година, а ја прифати и ќерката на Брајан како своја.
Тие ја чуваа својата приватност откако на Рендал му беше дијагностицирана болеста, но веста за неговата прерана смрт одекна низ светот. Почина по тешка борба на 57-годишна возраст.
Почина долгогодишниот партнер на Сандра Булок, три години се бореше со АЛС
Почина долгогодишниот партнер на Сандра Булок, три години се бореше со АЛС