Попрвени оштетените чешмички за вода во Општина Аеродром

Фото: Елена Вељановска

Екипите на Општина Аеродром во изминатиот период извршиле надзор над сите чешмички за пиење вода и онаму каде што биле забележани дефекти и оштетувања, веднаш биле санирани или заменети со нови.

Како што информираат од оваа скопска Општина, станува збор за голем број чешмички кои се наоѓаат на повеќе локации.

– Им благодариме на жителите за нивните реакции и пријави, како и за разбирањето до целосното пуштање во употреба на овие чешми за пиење вода, кои се секако неопходни особено во топлите летни денови. Истовремено, големите фонтани низ парковите беа навремено пуштени и постојано се одржуваат, со што се дава дополнително освежување и пријатен амбиент за аеродромци – велат од Општина Аеродром.

Од локалната самоуправа потсетуваат и дека, во изминатиот период екипи на терен интензивно работат и на целосна санација на детските игралишта во населбите Ново Лисиче и Реонски Центар, каде што се реконструираат сите реквизити и се проверувала нивната безбедност за безгрижна игра на децата.

– Оваа акција ќе продолжи и во наредниот период на сите детски игралишта каде што е тоа потребно – информираат од оваа скопска Општина.

Видео на денот