Почна „Големото преселување“ во Истанбул – Слободен печат
ВестиРегион

Почна „Големото преселување“ во Истанбул

Првиот конвој од аеродромот „Ататурк“ пристигна на новиот аеродром „Истанбул“

Почна преселувањето на аеродромот „Ататурк“ во новиот аеродром „Истанбул“ во Турција. Досега се преместени 38% проценти од вкупниот материјал, а целосното преселување што започна во 3.00 часот по локално време се очекува да биде готово на 6 април во сабота во 23.59 часот.

707 шлепери ќе ги пренесат материјалот и возилата во текот на преселувањето, а 1.800 лица ќе бидат одговорни за целата процедура којашто се планира да трае вкупно 45 часа.

Во првата етапа, 167 авиони од „Туркиш ерлајнс“ ќе слетуваат празни на новиот аеродром, додека другите авиони ќе бидат испратени според достапноста на аеродромот.

Аеродромот „Ататурк“ е изграден за воени цели во 1912 година, првите цивилни летови од аеродромот почнале во 1933 година, додека во 1953 е пуштен за меѓународни летови, а сегашното име, заедно со денешниот модерен изглед, го има добиено во 1985 година.

 

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close