Британската актерка Ширли Ен Филд почина на 87-годишна возраст. Веста за нејзината смрт ја потврди нејзиното семејство, пишува „Метро“.

„Со голема тага ја споделуваме веста дека Ширли Ен Филд почина мирно во недела на 10 декември 2023 година, опкружена со семејството и пријателите. Ширли Ен многу ќе ни недостасува, а ние ќе ја паметиме по нејзиниот нескротлив дух и неверојатното наследство кое опфаќа повеќе од пет децении на сцената и екранот“, пишува во соопштението.

Ширли Ен Филд беше ѕвезда на сцената и на големото платно, а се прослави во 1960-тите со нејзината улога во „Забавувачот“ покрај Лоренс Оливие. Тааа глумеше и во „Алфи“ и „Сабота навечер и недела наутро“.

Родена е во Форест Гејт, Њухам, на 27 јуни 1936 година и стана позната како Ширлејн Брумсфилд.

Таа ja започна кариерата како модел во текот на 1950-тите, а дури подоцна почна со актерството, појавувајќи се во комедијата „Губитниците земаат сè“ од 1956 година.

Потоа следеше мјузиклот „Ова е убав свет“, а дури потоа и улогата на Тина Лапфорд, по која се прослави во филмот „Забавувачот“.

Ширли глумеше во повеќе од 70 проекти. Меѓу другите улоги се издвојуваат онаа во филмот „Војниот љубовник“ од 1962 година, со Стив Меквин и Роберт Вагнер, како и онаа во филмот „Мојата убава перална“ со Даниел Деј Луис.

Нејзините неодамнешни проекти беа „Доктори“, „Последно вино од летото“, „Сметката“…