Инвеститорите кои ја користат платформата за далечинско тргување „eTrader“ ќе може истата да ја користат бесплатно и по завршувањето на вонредната состојба. Ваква одлука донесе одборот на директори на Македонската берза за електронско тргување. Инвеститорите со новата одлука бесплатно на оваа платформа ќе може да тргуваат до 30 септември годинава.

-И во оваа прилика, апелираме до сите инвеститори во хартии од вредност што помасовно да ги користат електронските налози за тргување со хартии од вредност, а членките на Берзата што повеќе да го популаризираат продуктот eTrader во настанатите околности, предизвикани од вирусот КОВИД-19, соопшти Македонската берза.

За подетални информации околу користење на eTrader, како што се наведува во соопштение, инвеститорите треба да се обратат кај својот брокер.