2 C
Скопје

Пендаровски за Дојче Веле: Моето 20-годишно искуство во меѓународната политика ми овозможува прецизно да ги мерам зборовите

Македонско-бугарскиот спор може да се реши само ако доследно се почитува достоинството и на македонскиот и на бугарскиот народ, и со избегнување на опасната замка на историскиот ревизионизам кога тој наместо врз факти, е заснован врз политички конструкции. Ова е дел од оценката на претседателот Стево Пендаровски, по ставовите изнесени од премиерот Заев во вчерашното интервју за бугарската агенција Бгнес.

Ставот на Пендаровски е дел од интервјуто за Дојче веле, кое интегрално ќе биде објавено утре.

ВИДЕО | Заев: Бугарија не е фашистички окупатор и Гоце Делчев е од двете страни

-Го погледав интервјуто на премиерот и ги прочитав реакциите во македонската јавност, и во дел од коментарите, за жал, беше присутна дилемата дали државниот врв настапува единствено во однос на ова витално национално прашање. За решавање на спорови со стратешка тежина се потребни два предуслови: да постои политичка волја што понекогаш подразбира и политичка храброст да дојдете до консензус кој никогаш не ви го зголемува рејтингот, и второ – да се држите до историските факти кои се меѓународно верификувани и до политичката реалност која е очигледна. Во првиот дел, нашата јавност знае дека јас сум првиот македонски политичар во историјата кој јавно понуди поширок политички дискурс во однос на еден од најголемите апостоли на македонското револуционерно движење. Меѓутоа, не отидов понатаму, затоа што тоа е работа на Комисијата составена од историчари, најмалку работа на политичарите. Со премиерот Заев во многу наврати сме разговарале на оваа тема и никогаш не сме имале спор дека некои личности и настани можат да бидат чествувани и од двете страни, но, дека македонскиот народ има своја засебна историја, како што бугарскиот народ има своја. Истовремено, во сите мои јавни настапи јасно кажувам дека антифашистичката борба е во темелите на современата македонска држава, а во таа борба сме се бореле против оние кои беа на страната на фашистите. Моето 20-годишно искуство во меѓународната политика ми овозможува прецизно да ги мерам зборовите и ставовите кои ги искажувам кога разговарам со моите бугарски соговорници и со нашите пријатели од меѓународната заедница. И на секој од нив јасно му кажувам дека македонско-бугарскиот спор може да се реши само ако доследно се почитува достоинството и на македонскиот и на бугарскиот народ и со избегнување на опасната замка на историскиот ревизионизам кога тој наместо врз факти, е заснован врз политички конструкции“, изјави Пендаровски. 

Прочитајте и...  Трошановски за „Слободен печат“: Политички напредок со Бугарија ќе нема, барем да извлечеме економски бенефит

Претседателот Стево Пендаровски не бил внимателен со зборовите кога кажа дека бугарската политика нема излезено од матрицата на Живковизмот, а во душата и паметот има желба за големо пријателство со Бугарија, смета премиерот Зоран Заев.

Во интервју за бугарската агенција „БГНЕС“, Заев беше прашан дали се оградува од тврдењето дека Бугарија е живковистичка држава.

ВИДЕО | Заев: Пендаровски е пријател на Бугарија, некој пат не сме доволно внимателни со зборовите

Поврзани вести

Израел собори дрон од Либан

Слободен печат

Најпосакуваната професија на пазарот: Колку заработуваат ИТ експертите?

Слободен печат

ЛГ планира да го напушти производството на паметни телефони

Слободен печат

Симболична забрана на нуклеарни арсенали, без велесилите со атомски бомби

Митко Билјаноски

Тешка сообраќајна несреќа во Скопје, има и повредени

Слободен печат

Руски научник открива: Еве колку време после вакцинацијата е потребно да се развие имунитет

Слободен печат

Остави Коментар