Министерот за дигитална трансформација, Стефан Андоновски, денеска ја посети Општина Ѓорче Петров, каде заедно со градоначалникот Александар Стојковски најавија воспоставување на бесплатни „Wi-Fi зони“ во паркот на општината.

Андоновски истакна дека Ѓорче Петров е една од првите општини каде ќе се реализира проектот „Wi-Fi за Западен Балкан“, поддржан од Европската унија.

Проектот, како што рече министерот, ќе обезбеди бесплатен интернет на повеќе од десет локации во Скопје, а слични зони ќе се воспостават и во над 60 општини низ државата.

– Ова е проект што целосно го фасилитираше Министерството за дигитална трансформација, со поддршка на Европската унија. Ѓорче Петров е само почеток, а интересот кај општините е огромен – изјави Андоновски.