Папата Франциск е примен во болницата Гемели во Рим каде ќе биде подложен на операција на абдоменот. Се очекува тој да остане во болница неколку дена се до негово целосно закрепнување, објави Vatican News.

Во соопштението објавено од Канцеларијата за печат на Светата столица се вели дека Светиот Отец „ќе биде подложен на операција на абдоменот под општа анестезија“.

Канцеларијата за печат додаде дека папата ќе остане во болница неколку дена „за да се овозможи нормален постоперативен тек и целосно функционално закрепнување“.

Во јули на папата 2021 година му беше отстрането дел од дебелото црево. Папата минатата година изјави дека не сака да го оперира коленото бидејќи општата анестезија при операцијата на дебелото црево му предизвикала непријатни несакани ефекти.