Пандев: Наполи е вистинскиот избор за Елмас
Македонскиот фудбалски бисер, Елиф Елмас се очекува кариерата да ја продолжи во Наполи. Медиумите во Италија но и во Турција, објавија дека трансферот на Елмас од Фенербахче во Наполи е прашање на време. Според нив, се очекува да се договорат деталите околу начинот на исплата на обесштетувањето по што македонскиот репрезентативец ќе стави потпис на петгодишниот договор со италијанскиот тим.
Капитенот на македонската репрезентација и фудбалер на Џенова, Горан Пандев, е пресреќен што Елмас ја избра Серија А и Наполи за следна станица во кариерата.
– Елиф е еден од најдобрите млади фудбалери во Европа. Може да игра на сите позиции во средниот ред, има добар преглед на топктаа, а може да игра и како офанзивен фудбалер за врска. Веќе разговарав со Елмас, не кажа ништо посебно, но ќе биде среќен ако дојде во Италија. Доколку Наполи успее да го ангажира, ќе направи голема работа – изјави Пандев за „Скај спорт“.