Падна холандската влада на Руте, коалициските партнери не можеле да постигнат договор за мигрантите
Холандскиот премиер Марк Руте ќе поднесе оставка оти со коалициските партнери не успеа да постигне договор за мерките за ограничување на миграцијата, јави новинската агенција АНП, а пренесоа повеќе западни медиуми.
Во Владата има четири партии, ограничувањето на протокот на мигранти во Холандија ќе ја урна владата на Руте, која го почна мандатот во јануари 2022 година, а Руте е најдолгорочниот премиер на Холандија кој е на власт е од 2010 година.
Бројот на барања за азил во Холандија порасна за третина минатата година, на повеќе од 46.000, а Владата предвидува дека оваа година би можело бројот да се зголеми на повеќе од 70.000, што е над претходниот максимум од 2015 година.
Се очекува дека новите парламентарни избори ќе се одржат на есен.