Косовската Универзитетска Клиника пред неколку минути ги објави резултатите од контролата извршена над пациентка, за која имаше сомневања дека била заразена од коронавирус.

Од клиниката за инфективни болести изјавија дека резултатот е негативен.

-Резултатот на пациентката е негативен за коронавирус!-, се вели во објавата на клиниката, на нивната страна на социјалната мрежа фејсбук.

Инаку се работи за државјанка на Велика Британија која работи во Косово.

Пред некое време, таа престојувала во еден Ски центар надвор од Косово, каде што дознала дека пет лица биле заразени од коронавирус.

Во моментот кога прочитала дека пет лица се заразени, почнала да кашла лесно, но без температура и други симптоми, и се упатила во Инфективната клиника за да направи контрола.
За среќа резултатите се негативни.