Апликацијата за стримање музика, Spotify, објави листа на најдобрите песни, албуми и изведувачи во последните 10 години, а откриле дека Дрејк бил музичарот чија музика најмногу се слушала.

Раперот собрал повеќе од 28 милијарди стримови, а неговата најпопуларна песна „One Dance“ била пуштена 1,7 милијарда пати. На второ место е Ед Ширан, а следни се Пост Малон, Аријана Гранде и Еминем.

Најслушана песна на деценијата е „Shape Of You“ на Ед Ширан, која е пуштена 2,4 милијарди пати.

Најслушана песна во 2019 година е „Senorita“ на Шон Мендез и Камила Кабело. Песната е објавена во јуни, а оттогаш е преслушана милијарда пати.

Веднаш позади неа се најде песната на Били Ајлиш „Bad Guy“ со 900 милиони стримови.

Били Ајлиш се најде на врвот и за најпопуларен албум со својот дебитантски албум „When We All Fall Asleep, Where Do We Go“.