Општина Аеродром упати апел до своите жители да се грижат за животната средина и да започнат да селектираат и рецилкираат стакло.

Ги поттикнуваме аеродромци да селектираат и рециклираат, за сите заедно да придонесеме кон чиста и здрава животна средина! – истакнаа од Општина Аеродром.

Оттаму ги информираат граѓаните дека, во Македонија стакло рециклираат 19 отсто од населението, а во земјите од ЕУ дури 70 отсто.

Со едно рециклирано шише се добива енергија за една сијалица од 100 W да свети 4 часа. Со едно рециклирано шише добиваме енергија за нашиот комјутер да работи 25 минути. Се намалува загадувањето на воздухот за 20 отсто, а на водата за 50 отсто – информираат од оваа скопска општина.