Во основниот суд во Кичево денеска не започнало судењето против Шкерим Ахмеди, кој на Фејсбук се потпишуваше како Ел Чека, пренесува Телма.

Според овие информации, соопштено е дека судењето било одложено за 26 август.

Иако во јавноста е познато дека Ел Чека е во САД, за да бидат запазени  процедурите, судијката доставила писмено барање до полицијата да ја известат дали обвинетиот е достапен.

Ако на следното рочиште МВР официјално одговори дека не е во земјава, ќе бидат исполнети условите за обвинителството да прелдожи да му се суди во отсуство, објаснуваат од судот за Телма.

Кичевецот кој преку океанот објавуваше на фејсбук прислушувани разговори од поранешни и сегашни функционери, претежно на ДУИ, е обвинет за неовластено прислушкување и тонско снимање, дело за кое му се закануваат од 1 до 5 години затвор.