После заминувањето од Шкендија, летово Висар Муслиу го засили унгарскиот клуб на МОЛ Фехервар во чии редови настапува уште еден македонски репрезентативец, Бобан Николов.

Во рамките од петтото коло во шампионатот Фехервар со 3:0 го совлада тимот на Кишварда, Муслиу и Николов го одиграа целиот меч.

Во 41 минута беше изведен слободен удар, највисоко скокна Муслиу и со глава ја испрати топката во мрежата на гостите за водство од 1:0.

Освен што постигна гол, дефанзивецот одлично си ја одработи задачата и во делот на одбраната, не дозволувајќи противникот да реализира погодок.

Ова е петта победа по ред за МОЛ и максимални 15 бодови на врвот на табелата. Муслиу се наоѓа на списокот репрезентативци за претстојните евро квалификациски мечеви во септември.