Одбојкарски брачен пар пронајден мртов под рушевините од разорниот земјотрес во Турција
Трагични вести продолжуваат да пристигнуваат од Турција. Соопштено е дека во силниот земјотрес што ја погоди таа земја загина и одбојкарската двојка Чакир. Одбојкарката на Меринос, Бетул Чобан Чакир и нејзиниот сопруг Бедретин Чакир се пронајдени мртви во урнатините.
Тие загинаа како последица на силниот земјотрес со јачина од 7,8 степени според Рихтеровата скала што го погоди Кахраманмараш.
– Нашата болка е голема. Со длабока тага дознавме за смртта на Бетул Чобан Чакир, која започна во нашето училиште и со години го претставуваше нашиот клуб на најдобар начин, и нејзиниот сопруг Бедретин Чакир, исто така одбојкар. Им посакуваме Божја милост на нашата спортистка и сопругот, рајот нека биде ваш – стои во објавата на Меринос.
Бетус Чобан Чакир имаше 27, а сопругот Бедретин Чаир, кој играше во Халкбанк Анкара, 29 години.
Помеѓу настраданите во катастрофалниот земјотрес има и други спортисти, голманот на фудбалскиот клуб Ахмет Ејуп Туркаслан го загуби животот под рушевините.
Меѓу жртвите има уште двајца одбојкари, јави локалниот телевизиски канал ТРТ Спор. Еминџан Коџабаш и Мехмет Џан Агарбаш се пронајдени мртви под урнатините на хотел во Малатија.
Во понеделникот, „Волејбол Магазин“ објави дека тројца од шест одбојкари на Малатија Беледиеспор се спасени.
ВИДЕО | Снимка од моментот кога фудбалерот Атсу беше извлечен од урнатините