Новата ѕвезда на Барса, Лука Циндриќ
Циндриќ со Барса потпиша договор на четири години, а пред да се пресели на „Блауграна“ настапуваше за полскиот Келце.
Уште во првиот момент кога дозна за понудата од каталонскиот гигант, не можеше да поверува и без многу размислување истата веднаш ја прифати.
El Barça Lassa d'handbol fitxa Luka Cindric https://t.co/OlOTtKWkMb
— Xavier Mitjavila (@XaviMitjavila) June 20, 2019
– На сите им е јасно какви амбиции има Барселона. Да, во последните неколку години нема освоено титула во Лигата на шампионите, можеби баш поради тоа што недостасуваше играч од нашите простори. Сигурно ќе бидат големи очекувањата од мене, но подготвен сум за овој предизвик – рече Циндриќ.
Со Вардар успеа да ја освои титулата во Лигата на шампионите, а лани со Келце се најде на Ф4 турнирот во Келн, но остана без трофејот.
Токму пред две години со „црвено-црните“ во полуфиналето со еден фантастичен удар во последните секунди ја елиминираше Барса.