Ник Кирјос изненади многумина кога на социјалната мрежа „Икс“ го објави кој е неговиот фаворит оваа година на грен слем турнирот „Австралија опен“.

И покрај тоа што во последно време има пофалби за најдобриот светски тенисер Новак Ѓоковиќ, предвидува дека Србинот оваа зима нема да дојде до нова титула во Мелбурн.

Според Австралиецот, Стефанос Циципас ќе го освои шампионскиот пехар, иако грчкиот тенисер изминатата година имаше пад во формата.

– Мислам дека Циципас ќе го освои „Австралија опен“ – објави Кирјос на социјалната мрежа „Икс“.

I think TsiTsipas wins the Aus Open

— Nicholas Kyrgios (@NickKyrgios) January 18, 2024

Ѓоковиќ во првите две кола ги совлада Д. Прижмиќ (3:1) и А. Попирин (3:1), а следен ривал ќе му биде Аргентинецот Т.М. Ечевери.

Циципас, кој е седми носител на турнирот, оствари победи над З. Бергс (3:1) и Џ. Томпсон (3:1), и во третото коло ќе се соочи против Л.В. Аше од Франција.