Несреќа во Хрватска: Пет деца повредени во судир на автомобил и училишен автобус

Хрватска полиција /Фото: МИА

Пет деца се повредени во судир на автомобил и училишен автобус во Вргорац.

Полицијата соопшти дека несреќата се случила попладнево кога автомобилот кој влегувал во сообраќајот удрил во автобусот во кој се наоѓале децата.

Едно дете веднаш побарало лекарска помош и биле констатирани полесни повреди, а потоа на Итната помош во сплитската болница пристигнале уште четири на возраст од 11 до 17 години, јавуваат хрватските медиуми.

Во болница е пренесен и возачот на автомобилот, а против него се води истрага за предизвикување сообраќајна незгода.

Видео на денот