Нејмар демантира дека се степал со Донарума
ПСЖ вчера доживеа болна елиминација во Лигата на шампионите од Реа Мадрид, по што претседателот Насер Ал-Келаифи збесна и влезе во соблекувалната на судиите, а медиумите пишуваа и за инцидент помеѓу Нејмар и Џанлуиџи Донарума.
За да демантира дека воопшто немало никаков инцидент, Нејмар на социјалните мрежи ги објави пораките што ги размени со својот соиграч, голманот Донарума.
– Извини за тоа вчера (грешката на Бразилецот по која Бензема го постигна вториот гол) – му напиша Донарума на Нејмар, по што следеше одговорот од Бразилецот.
– Не се грижи пријателу, тоа се случува во фудбалот. Ние сме тим и сите сме со тебе. Многу си млад и ќе освоиш многу трофеи. Одиме понатаму, ние сме пријатели – гласи одговорот на Нејмар.
Бразилецот потоа ги прозва новинарите што пишуваа за инцидентот меѓу него и Донарума.
„Немаше тепачка во соблекувалната. Некомпетентен новинар само сака да продаде приказна“, напиша Нејмар.
По елиминацијата во осминафиналето во ЛШ, на ПСЖ сезонава им остана борбата за само еден трофеј, за титулата во Лига 1 и таму се на добар пат да триумфираат бидејќи се лидери на табелата со 62 бода, дури 13 повеќе од второпласираната Ница.
Neymar dévoile son échange avec Donnarumma :
Donna : « Désolé pour hier. Cette info est inacceptable. »
Neymar : « Amigo! Tranquille! Ça peut arriver dans le foot… On est une équipe et on est avec toi. T’es encore très jeune et tu vas beaucoup gagner ! Relève-toi et continue » pic.twitter.com/KHQ0jA9r37
— Actu Foot (@ActuFoot_) March 10, 2022