Научниците предупредуваат да не се отстрануваат сите мерки додека не се најде вакцина

Фото: EPA

Четири водечки научни организации во Германија истакнаа дека некои од мерките што се воведени да се спречи ширење на Ковид-19 мораат да останат на сила, додека не се пронајде вакцина или се постигне колективен имунитет.

Зоолошката градина во Берлин е отворена, но насекаде има банери кои потсетуваат да се одржува социјална дистанца / Берлин, Германија, 28 април 2020 година / Фото: EPA-EFE/CLEMENS BILAN

Во заедничко соопштение, организациите истакнаа дека нивните математички модели покажуваат дека стапката на репродукција на епидемијата во Германија е под еден од крајот на март, што значи дека опаѓа стапката на новозаразени.

Во соопштението пишува дека за опаѓање на стапката најмногу придонес имаат ограничувањата и промената во однесувањето, но предупредуваат дека ситуацијата не е стабилна и дека најмало зголемување на стапката може да доведе во фаза на експоненцијален раст.

Луѓе одржуваат дистанца додека чекаат ред за влез во продавница на плоштадот Александерплац во Берлин / 24 април 2020 година / Берлин, Германија / Фото: EPA-EFE/OMER MESSINGER

Организациите наведуваат дека колективниот имунитет кон кој се стреми, нема да биде постигнат уште неколку години и поради тоа некои ограничувања треба да се задржат, а истакнаа и дека вакцината нема да биде достапна до наредната година.

Експертите повикуваат фокусот да биде на три области: хигиенски мерки, проширен капацитет на тестирање и следење и прилагодено ограничување на контакти.

Видео на денот