Нападнато возилото на Рама, седуммина уапсени
Толпа граѓани се обидела да го блокира националниот пат Елбасан – Либражд во Албанија, а било нападнато и возилото на Еди Рама со тврди предмети и пиротехнички средства, пренесува Телеграфи. Денеска албанската полиција соопшти дека седум лица се приведени, а 16 други учесници во настаните се под истрага.
Албанската полиција покрена постапка против 23 лица, меѓу кои седуммина се уапсени за нелегалениот протест, организиран синоќа на влезот во Либражд.
Според соопштението од полицијата на Либражд врз основа на снимките и извештаите, уапсени се 7 лица на лице место за кривично дело „Организирање, учество во толпа, нелегални настани” како и „Спречување на движење на транспортни средства”.
Уапсените лица и тие за кои се врши истрага, синоќа околу 18 часот се собрале на влезот на градот Либражд, обидувајќи се да го блокираат националниот пат Елбасан – Либражд, го попречиле возилото на албанскиот премиер Еди Рама и го нападнале возилото со тврди предмети и пиротехнички средства.